«MINDSET CODE․ ՕՐՎԱ ՔՈ ՌԻԹՄԸ»
ՍԿՍԵՆՔ ԶՐՈՅԱԿԱՆ ԿԵՏԻՑ
Հերթական առավոտն է: Արթնանում ես։ Ի՞նչն է առաջին բանը, որ անում ես։ Մի ակնթարթ մտածի՛ր։ Դեռ աչքերդ չբացած՝ ձեռքդ անգիտակցաբար ձգվում է հեռախոսիդ։ Ճի՞շտ է։ Դա դարձել է քո առօրյայի մի մասը՝ մի առօրյա սովորություն: Քնաթաթախ սկսում ես թերթել նորություններ, բացել սոցցանցեր։ Այս սովորությունը հաճախ շեղում է օրվա իրական իմաստից, մեզ դարձնում է ուրիշի կյանքի դիտորդ, ոչ թե մեր կյանքի հեղինակ։ Դու արթնանում ես ուրիշի օրակարգով։
Բայց պատկերացրո՛ւ մեկ այլ սկիզբ։ Ասենք՝ ամեն առավոտ քեզ առաջինը բարևում է ոչ թե հեռախոսի էկրանի լույսը, այլ մի նպատակ, մի գաղափար՝ կերտելու քո լավագույն օրը։ Այս գիրքը հենց այդ գաղափարի ուղեցույցն է։ Այսպիսի գիրք գրելու միտքը ծնվել է 2019 թվականին Հնդկաստանի Դելի քաղաքում՝ մի պարզ sms-ից, որը յուրաքանչյուր առավոտ ստանում էի տեղական բջջային ցանցից՝ նոր սկսվող օրվա հաղորդագրություն, որը ոգեշնչում էր ինձ։ Այդ միտքը հասունացավ ու վերածվեց Instagram-ի ամենօրյա սթորիների շարքի՝ «8:00» խորագրով, որը հազարավոր մարդկանց մոտիվացիայի ու դրական լիցքերի աղբյուր դարձավ։ Ամեն առավոտ ժամը 8:00-ին, արդեն մի քանի տարի: Այն այնքան սիրվեց, որ ժամանակն էր այդ էներգիան տեղափոխելու հաջորդ մակարդակ։
«MINDSET CODE. ՕՐՎԱ ՔՈ ՌԻԹՄԸ» ձեռնարկն ավելին է, քան պարզապես գիրքը։ Այն քո անձնական ուղեկիցն է, քո օրագիրը, քո օրվա ճամփորդության քարտեզը, որ ցույց է տալիս ուղին դեպի լիարժեք, նպատակային կյանք։ Այն ամեն օր քեզ է ներկայացնում քո օրվա MINDSET CODE-ը, դրա նկարագրությունը՝ MINDSET STORY, և ամենակարևորը՝ գործողություն՝ MINDSET ACTION, որը քեզ կօգնի դարձնել այդ օրը հենց այն, ինչ նրա իմաստն է։
Այս գրքի էջերում դու կհայտնաբերես ինքնաճանաչման ամենահզոր գործիքները․ կհասկանաս, որ դու ունես մեծ ներուժ, և որ հաջողությունը շատ մոտ է։ Այն կսովորեցնի քեզ չվախենալ ձախողումից, այլ վախենալ չփորձելուց, և որ կարգապահությունը կլուծի քո խնդիրների մեծ մասը։ Դու կհասկանաս, որ տարբերվելը քեզ դարձնում է անփոխարինելի, իսկ ժամանակն անվճար է տրվում քեզ, սակայն այն շատ թանկ է անիմաստ վատնելու համար։
Այս գիրքը քոնն է։ Պահիր այն միշտ քեզ մոտ՝ գրպանումդ, պայուսակիդ մեջ, մեքենայումդ կամ պարզապես բարձիդ տակ։ Այն երբեք ձեռքիցդ բաց չթողնես։ Դարձրու այն քո առավոտյան ծեսի մի մասը՝ քո օրվա առաջին գիտակցված քայլը։ Բացիր այն ամեն առավոտ և բացահայտիր քո ամբողջ ներուժը։
Դու ընտրություն ունես։ Կա՛մ այս գիրքը քեզ համար կդառնա ևս մեկ հերթական պատմություն, կա՛մ կյանքը փոփոխող ուղեցույց։ Երբ այս գիրքը փոխի քո մտածելակերպը, խորհուրդ տուր այն ուրիշներին։ Սա քո կյանքը բարելավելու ամենամեծ ներդրումն է։ Այդ իսկ պատճառով, անպայման գնի՛ր այս գիրքը, անպայման նվե՛ր տուր քո լավագույն ընկերոջը, անպայման խորհո՛ւրդ տուր քո սիրելի մարդկանց։
Երբ դու ես որոշում, թե ինչպես սկսես, դու ես որոշում, թե ինչպես ավարտես։ Ամեն մի օր քո ձեռքում է։ Այնպես որ՝ ստացի՛ր քո MINDSET CODE-ը, կարդա՛ MINDSET STORY-ն, արա՛ MINDSET ACTION-ը և ստեղծիր ՕՐՎԱ ՔՈ ՌԻԹՄԸ:
«Դադարի´ր այլևս փոքր խաղալ»
Սա ամենաազդեցիկ խորհուրդն է, որ երբևէ լսել եմ: Փոքր խաղերը նրանց համար են, ովքեր կենցաղը գերադասում են գաղափարից, ովքեր խոսում են, բայց գործ չեն անում, ովքեր բողոքում են, որ գումար չունեն, սակայն այն ունենալու համար կրկնակի, եռակի, քառակի ջանք չեն թափում: Փոքր խաղերը նրանց համար են, ովքեր թիրախավորում են արարքը, այլ ոչ հետևանքները: Ովքեր տրտնջում են ներկա պայմաններից, բայց չեն կարդում, չեն սովորում, չեն զարգանում ու արժեք չեն ստեղծում:
Մեծ խաղը նրանց համար է, ովքեր դիմում են մեծ ռիսկի` մեծ արդյունքի համար: Ովքեր հասկանում են, որ մեծ հաջողության համար քաջություն է պետք: Որոնց մտադրություններն ուղղված են արժեք ստեղծելուն, այլ ոչ սպառելուն: Մեծ խաղը նրանց համար է, ովքեր ունեն մեծ նպատակներ, ովքեր հասկանում են, որ հզոր, շատ հզոր գործ են կատարում: Մեծ խաղերը նրանց համար են, ովքեր գերադասում են մեծ խաղալ:
Մեծ խաղերին պատրաստ լինելու համար անհրաժեշտ է ձևավորվել հզոր #Mindset, որի համար մշակել նրա #Code-ը, և ոչ թե լինել մեծ խաղի հանդիսատես, այլ դառնալ մասնակից, ոչ թե լինել խաղաքար, այլ դառնալ խաղացող:
Գնիր գիրքը առցանց
Other payment methods:
BSC Business Support Center LLC, Ameriabank CJSC, no. 1570005343780400.
Purpose: payment for the purchase of a “1 Minute Later” book (you can pay with the mobile banking app & e-wallet).
* Ծառայությունների արժեքի գանձումը կատարվում է ՀՀ դրամով, անկախ Ձեր կողմից վճարվող տարադրամից՝ վճարման պահին սահմանված փոխարժեքներով:
Կարող եք ինձ հետ կապ հաստատել,
երբ կամենաք
Մենք բոլորս գիտենք, թե ինչպես կարող է բիզնես աշխարհի յուրաքանչյուր խնդիր լինել դժվար հաղթահարելի: Եվ այն միշտ չէ, որ պատասխանում է ձեր առջև դրված բոլոր հարցերին: Ես այստեղ եմ ձեզ օգնելու համար: