Home #ՄիշտԱռաջ

Սա իմ կարգախոսն է: Ես այն կիրառում եմ ամենուր և առաջին հերթին այն գործընկերների, ընկերությունների շրջանում, ովքեր ցանկություն ունեն միշտ առաջ շարժվելու, իրականացնելու բոլոր մտահղացումներն ու զարգացնելու իրենց բիզնես նախաձեռնությունները:
 
ՍԱՄՎԵԼ ԳԵՎՈՐԳՅԱՆ
«Բի Էս Սի» Բիզնեսի Աջակցման Կենտրոնի հիմնադիր տնօրեն
(+374 91) 402461
6 Yekmalyan str., 0002, Yerevan, Armenia

 

Երբ հեռավոր 1991թ. հիմնադրեցի իմ առաջին բիզնեսը ծրագրավորման ոլորտում, չէի էլ մտածում, որ այն այդքան գրավիչ կլինի: Այն տարիներին բիզնես ունենալը ասոցացվում էր ավելի շատ փող աշխատելու հետ: Մասնագիտական հստակ ուղղվածություն ունեի: Չէի էլ պատկերացնում, որ ԵՊՀ կիրառական մաթեմատիկայի ֆակուլտետը ավարտելուց հետո մեկ այլ գործով կարող էի զբաղվել: Ժամանակն ամեն ինչ իր տեղն է դնում:

Բիզնեսի մասին ընկալումները սահմանափակ էին: Երկարաժամկետ կառավարման, անձնակազմի հետ աշխատանքի, ֆինանսական վերլուծությունների, ներդրումներ ներգրավելու, մարքեթինգային գործողությունների փորձ չկար: Չէիր կարող որևէ մեկից նույնիսկ խորհուրդ հարցնել․ ոչ ոք այդ փորձառությունը չուներ:

Շուտով դարձա հաջորդ բիզնեսի համահիմնադիրը բիզնես խորհրդատվության ոլորտում: Գաղափարը ծագեց Հայաստանում Ամերիկյան Համալասարանի բիզնեսի կառավարման մագիստրոսի կոչումը ստանալուն զուգահեռ, երբ «պարզվեց», որ զարգացած տնտեսություն ունեցող երկրներում գոյություն ունի կառավարման խորհրդատվական բիզնես: Շատ մարտահրավերային որոշում էր:

Մի քանի տարի անց հիմնադրվեց հաջորդ բիզնեսը գյուղատնտեսության ոլորտում: Որոշ ժամանակ անց ևս մեկը` արդյունաբերական սարքավորումներ և նյութեր:  

Վերջերս միացա ևս մեկ բիզնեսի՝ կրկին ծրագրավորման ոլորտում: Եվ այստեղ շրջանը կարծես փակվեց. ամեն ինչ սկսվեց ծրագրավորումով և, կարծես, ավարտվում է հենց դրանով: Երբեք մի ասա երբեք: Չեմ կարող ասել, թե վաղն ինչ կլինի․ չէ՞ որ բիզնեսն անկախություն է, սեփական պատասխանատվություն, կյանքի որակ․ չէ՞ որ բիզնեսն իսկական արկած է...

Ում հետ եմ ես աշխատում

Ես աշխատում եմ փոքր, միջին և խոշոր բիզնեսների հետ: Աշխատելիս հաշվի եմ առնում նրանց առանձնահատությունները. չէ՞ որ նրանց խնդիրները տարբեր են: Փոքրն ուզում է հաստատվել շուկայում, միջինը՝ բարձրացնել մրցունակությունը, խոշորը՝ ավելի արդյունավետ կառավարվել: Մի դեպքում աշխատում եմ սեփականատերերի, մյուս դեպքում՝ անձնակազմի, երրորդ դեպքում՝ բոլոր շահագրգիռ կողմերի հետ:

Փոքր բիզնեսը ցանկանում է մեծանալ, միջինը՝ անցում է կատարում փոքրից դեպի ավելի մեծ, իսկ խոշոր բիզնեսը՝ ամրապնդել իր դիրքերը շուկայում: Այս խնդիրների լուծումները ընկերություններին բարձրացնում են մի քանի մակարդակ վերև՝ դարձնելով ավելի զարգացած, մրցունակ: Այս վերելքին պետք է պատրաստ լինել, այլապես բիզնեսի մեծանալուն զուգընթաց, կավելանան նաև խնդիրները:

Ինչով կարող եմ օժանդակել

Ամեն ինչ կախված է խնդրից: Ավելի կոնկրետ՝ խնդրի հստակ ձևակերպումից: Շատ դեպքերի եմ հանդիպել, երբ խնդիր է դրվել վաճառքի անձնակազմի վերապարաստման միջոցով ավելացնել վաճառքի ծավալները, բայց պարզվել է, որ վաճառքներին խոչընդոտում է բիզնեսում ռազմավարական պլանավորման բացակայությունը:

Բիզնեսի ներկա վիճակի ախտորոշումը կարևորագույն դեր ունի այս կոնտեքստում: Եթե չկա համապատասխան միջավայր, վաճառքների աճը կլինի ժամանակավոր, ոչ շարունակական:

Հաջորդ խնդիրը բիզնես պլանի մշակումն է, որը հնարավորություն է տալիս պլանավորել բիզնեսի գործունեության ամբողջ գործընթացը. մարքեթինգ, անձնակազմ, ֆինանսներ, արտադրություն / ծառայությունների մատուցում, ռիսկերի կառավարում: Արդյունավետ բիզնես գործընթացների հստակեցումը երկարաժամկետ մարքեթինգային, ֆինանսական և ներդրումային քաղաքականության պլանավորման հետևանք է:

Այս ամենի հիմքում բիզնեսի սեփականատերերի, տնօրինության, մենեջերների և անձնակազմի արժեքներն են: Նրանք են կառավարում բիզնեսը, և բիզնեսի թե՛ ներկան, թե՛ ապագան կախված է նրանց ներուժից, գիտելիքներից, փորձառությունից։ Ղեկավար անձանց քոուչինգն ուղղված է հենց այդ խնդրի լուծմանը:

Անհատական
քոուչինգ
Բացահայտե՛ք Ձեր բիզնեսի իրական ներուժն ու թաքնված կարողություններն անհատական քոուչինգի միջոցով:
Ընկերության կառավարման սկզբունքները
Հզորացրե՛ք կառավարման բոլոր ուղղությունները: Գտե՛ք առավելություններև կիրառե՛ք դրանք մասնագիտական խորհրդատվությամբ:
Ֆինանսների
կառավարում
Ֆինանսները Ձեր բիզնեսի կարևորագույն հատվածն են, հետևաբար անխուսափելի է դրանց բարձրորակ կառավարման անհրաժեշտությունը։
Բիզնեսի
պլանավորում
Պլանավորե՛ք Ձեր բիզնեսը՝ այն իդեալական դարձնելու նպատակով: Աշխատե՛ք որակավորված խորհրդատուի հետ և հասեք ձեր տեսլականին:
Ռազմավարական
պլանավորում
Հաջող բիզնեսի բանալին դրա ռազմավարական մանրակրկիտ պլանավորումն է: Ռազմավարական առումով «ուժեղ» բիզնեսը կդիմակայի շուկայի յուրաքանչյուր մարտահրավերի:
Շուկայավարման
պլանավորում
Ժամանակակից միտումներին զուգահեռ քայլելու համար ամրապնդե՛ք Ձեր տեղը շուկայում լավ մշակված և թարմացված մարքեթինգային պլանով:
Ներդրումային
ծրագիր
Որպեսզի Ձեր բիզնեսում ներդրումներ կատարվեն, պետք է այն ճիշտ ներկայացնեք ներդրողներին: Օգտվե՛ք որակյալ խորհրդատվությունից՝ ինչպես ճիշտ կազմակերպել այդ գործընթացը:
Աշխատակազմի
քոուչինգ
Կառավարումը և անձնակազմը Ձեր բիզնեսի կարևորագույն մասերն են: Ձեր անձնակազմի մասնագիտական զարգացումը առավելագույնին հասնելու կայուն ուղի է ապահովում։

Կարող եք ինձ հետ կապ հաստատել,
երբ կամենաք

Մենք բոլորս գիտենք, թե ինչպես կարող է բիզնես աշխարհի յուրաքանչյուր խնդիր լինել դժվար հաղթահարելի: Եվ այն միշտ չէ, որ պատասխանում է ձեր առջև դրված բոլոր հարցերին: Ես այստեղ եմ ձեզ օգնելու համար:
Հասցե
Երևան, 0002, Եկմալյան 6
Զանգահարեք
(+374 91) 402461
Էլ. փոստ
contact@samvelgevorgyan.com