«1 րոպե անց» գրքի անգլերեն թարգմանությունը հրապարակվել է Ամազոն համաշխարհային ցանցում երկու տարբերակով․ էլեկտրոնային գիրք եւ տպագիր։ Գրքի գրվել է գործարար, մի շարք գրքերի հեղինակ եւ բիզնեսի փորձագետ Սամվել Գեւորգյանի կողմից։
Գիրքն առաջին անգամ հայերեն լույս տեսավ այս տարվա հունվարին եւ ընդունվեց ոգեւորությամբ ու բուռն արձագանքներով՝ հատկապես երիտասարդ ընթերցողների կողմից: Մի քանի ամսվա ընթացքում «1 րոպե անց»-ի հայերեն տարբերակը դարձավ ազգային բեսթսելեր Հայաստանում:
«1 րոպե անց» գիրք է նրանց համար, ովքեր գնահատում են յուրաքանչյուր րոպեն եւ ցանկանում են բացահայտել իրենց ողջ ներուժը: Այն ոգեշնչված է հեղինակի իրական կյանքում հանդիպող մարդկանցով, որոնք մշտապես առաջ են շարժվում եւ տարբեր ոլորտներում գերազանցության են հասնում՝ կյանքի կոչելով բազմաթիվ գաղափարներ եւ նախաձեռնություններ: Գրքի նպատակն է օգնել ընթերցողներին կայացնել կարեւոր որոշումներ անձնական, սոցիալական կամ կարիերայի ուղիներում եւ ընդունել այն գաղափարը, որ յուրաքանչյուր րոպեն ունի ներուժ առաջ տանելու այն, ինչին նրանք ցանկանում են հասնել:
Թողարկվելով Ամազոնում՝ գիրքը հավակնում է դառնալ հայերեով առաջին լույս տեսած գիրքը, որը կդառնա միջազգային բեսթսելեր։
«Ժամանակն օգտագործում ես քո դեմ, թե քո օգտին, ընտրությունը քոնն է: Եվ այս գիրքն այստեղ է, որպեսզի օգնի ձեզ կառավարել ժամանակի ուժը»,- ասում է հեղինակ Սամվել Գեւորգյանը: «Ըստ էության, սա գիրք է, որը գրվել է երիտասարդներին խրախուսելու համար վերահսկել ոչ միայն իրենց ժամանակը, այլեւ ի վիճակի լինել փոխակերպելու յուրաքանչյուր րոպեն ավելի մեծ արդյունքի»,- ավելացրել է նա:
Գիրքն Ամազոն հարթակում կարելի է պատվիրել այս հղումով.
Սամվել Գեւորգյանի մասին
Սամվել Գեւորգյանը գործարար է, բիզնեսի, կառավարման եւ մոտիվացիոն գրքերի եւ հոդվածների հեղինակ, բիզնես փորձագետ։ Նրա առաջին գիրքը՝ «Քո սեփական բիզնեսը Հայաստանում», լույս է տեսել 2017 թվականին եւ արագորեն դարձել ամենապահանջված գրքերից մեկը։
2021 թվականին Սամվելը լույս է ընծայել իր երկրորդ գիրքը՝ «1 րոպե անց » գիրքը, որն արդեն դարձել է Հայաստանում ամենահայտնի մոտիվացիոն գրքերից մեկը։
Սամվել Գևորգյանը Բի Էս Սի Բիզնեսի Աջակցման Կենտրոնի հիմնադիր տնօրենն է, որտեղ փորձագետական թիմի հետ առաջարկում է բիզնես եւ կառավարման խորհրդատվություն եւ ձեռնարկատիրական աջակցություն բազմաթիվ մասնավոր բիզնեսներին եւ միջազգային կազմակեպություններին։